Êrîşkarê bi navê Onûr Gencer ku serê sibehê avêt ser avahiya HDP’ê ya bajarê Îzmîrê, xebatkara partiyê Denîz Poyraz qetil kir û agir berda avahiyê.
Li gorî nûçeya ajansa JinNewsê, dayika Denîz Poyraz, Fehîme Poyraz hate ber avahiya partiyê û xwest keça xwe bibîne, lê polîsan nehiştin.
Dayik Poyraz wiha got: “Rê vekin, ez ê bikevim hundir, kes nikare min asteng bike. Keça min kuştin. Çi mafê we heye ku we keça min kuştin. Bila Xwedê jî we bikuje înşallah. Ez dayik im, mafê min ê axaftinê heye, kes nikare min bêdeng bike. Gelê kurd her tim li ser pêyan e, wê her tim li ser pêyan jî be. Denîzek çû, dê bi hezar Denîz bê.”
HDP’î li ber avahiya partiyê li hev civiyan û bi gotina ‘Hûn kujeran diparêzin’ nerazîbûn nîşanî polîsan dan. ÎZMÎR
