Ji berxwedêrên zindanê Alî Yavrû (Xebat Sîverek) ku li nava Têkoşîna Azadiyê ya Kurd demeke dirêj ked da, ji ber nexweşiya penceşêrê jiyana xwe ji dest da.
Alî Yavrû yê sala 1955’an li navçeya Sêwereg a Rihayê ji dayik bû, ji sala 1977’an û pê ve di nava Têkoşîna Azadiyê ya Kurd de ked da. Bavê 6 zarokan Yavrû ji doza PKK’ê demeke dirêj girtî ma. Li zindanê gelek caran tev li greva birçîbûnê bû, piştre neçar ma li sirgûnê bijî. Li bajarê Ûelzen ê Almanyayê bû penaber. Ji ber karên siyasî yên li Almanyayê gelek doz lê hate vekirin.
Cenazeyê Yavrû dê roja înê bişînin Tirkiyeyê. Cenazeyê Alî Yavrû dê li Tarsûsê li goristana ku cenazeyê bavê wî jî lê hatiye veşartin, bê veşartin. HAMBÛRG
