Hevberdevkên Komîsyona Pêwendiyên Derveyî yên Partiya Demokratîk a Gelan (HDP) Feleknas Ûca û Hişyar Ozsoy, der barê şert û mercên tecrîdê de ku li Îmraliyê berdewam in, bi rayedarên Komîteya Pêşîlêgirtina Îşkenceyê (CPT) re hevdîtin kir.
Civîn li bajarê Strasbourgê yê Fransayê pêk hat. Di hevdîtinê de hevberdevkan bal kişand ser tecrîda li ser Rêberê Gelê Kurd Abdullah Ocalan û behsa astengkirina hevdîtina bi malbatê û parêzeran hat kirin. Her wiha grevên birçîbûnê yên ku li dijî tecrîdê dest pê kiribûn û binpêkirina mafan li girtîgehan hatin nîqaşkirin. Der barê rewşê de daxwaz û pêşniyazên dualî hatin parvekirin. STRASBOURG
