Navenda Ragihandin û Çapemeniyê ya HPG’ê li ser çalakiyên gerîla û êrîşan daxuyaniyeke nivîskî da.
HPG’ê di daxuyaniya xwe de ev agahiyan parve kir:
“Herêma Zapê ya di çarçoveya pêngava Şoreşgerî ya Bazên Zagrosê de;
22’yê tîrmehê saet 00:00’an li qada Werxelê 2 helîkopterên êrîşê ji aliyê hêzên me ve bi taktîka gerîla ya dema nû hatin hedefkirin. Di encama çalakiyên serkeftî de, helîkopterek hate derbkirin. Helîkopter neçar man ku ji qadê dûr bikevin.
23’yê tîrmehê saet 16:00’an kamereyek mobesseyê ya girêdayî dagirkerên li qada Cîloyê Biçûk, ji aliyê hêzên me ve hatiye îmhakirin.
23’yê tîrmeha saet navbera 23:00-00:00’an artêşa TC’ê tunelên şer ên li devera Werxelê ya Herêma Avaşîn bi teqemeniyan êrîş kiriye, bi çekên giran bombe kiriye. Ji ber bomberdûmanê li qadê şewat derketiye hê jî dewam dike.
22’yê tîrmehê saet navbera 22:00-23:00’an, helîkopterên êrîşê devera Tîpa T a herêma Zapê bombe kir.
23’yê tîrmehê saet 09:10’î balafirên şer devera Çemço ya Herêma Zapê bombe kiriye.
23’yê tîrmehê saet di navbera 23:00-00-10’î li herêmên Banista, Tabûra Ereban û Mervanos tevgerên helîkopteran pêk hatine.
24’ê tîrmehê saet 09:10’î balafirên şer Şikefta Birîndaran a Herêma Zapê û saet 09:20’î jî devera Kûnîşka bombe kiriye.
Di van bomberdûmanan de tiştek bi hêzên me nehatiye.” BEHDÎNAN
