Navenda Ragihandin û Çapemeniyê ya HPG’ê têkildarî çalakiyên gerîlayan daxuanî da û ev agahî parve kir:
“Di çarçoveya Pêngava Şoreşger a Cenga Xabûrê de li herêma Metînayê;
13’ê cotmehê saet 11:30’an hêzên me bi çekên giran dagirkerên li Girê Azad kirin hedef û li wan dane. Di vê çalakiyê de hedefên ku hatine diyarkirin bi serkeftî derb xwarine, hejmara dagirkerên ku hatine cezakirin û birîndar bûne, nehatiye tespîtkirin.
Di çarçoveya Pêngava Şoreşger a Bazên Zagrosê de li herêma Avaşînê;
13’ê cotmehê saet 14:00’an, hêzên me bi çekên giran li Girê Silêman li dagirkeran dane. Di encama çalakiyan de armancên cihên ku weke hatine diyarkirin, derb xwarine.
14’ê cotmehê saet di navbera 07:10-09:55’an de qadên gundê Rençbiaxa û Çemço ya herêma Zapê bi çekên giran hatine bombekirin.
13’ê cotmehê saet navbera 12:00-18:00’an li herêma Avaşînê, Stûnê û li herêma Zapê qada Werxelê bi çekên giran û balafirên şer hatine bombekirin.
13’ê cotmehê saet di navbera 12:00-13:00’an de li herêma Xakurkê derdora Çemê Lolanê, qadên Kendekola û Sinînê bi balafirên şer hatine bombekirin.
Li Metînayê kirinên sîxurî
Kesên ku sîxuriyê ji dewleta tirk re dikin, hewl didin cihên hêzên me yên li herêma Metînayê tespît bikin. Ji ber ku sîxurên bi niyeta nebaş û gelê me yê sivîl ji hev kişf bibe, em bang dikin ku gelê me yê li herêmê zêde nêzî noqteyên leşkerî yên hêzên me nebin û li dijî van sîxuran bihistyar bin.” BEHDÎNAN
