Hêzên PDK’ê di 27’ê cotmehê de li geliyê Balinde welatiyê bi navê Wezîr Tayîp ê ji eşîra Rêkaniyan qetil kir. Wezîr Tayîb li nêzî gundê xwe hatibû birîndar kirin û pişt re di mesafeyek nêz de hatiye qetil kirin.
Nerazîbûna dijî qetilkirina Wezîr Teyîb roj bi roj zêde dibe, tevî hemû astengiya xelkê Şêladizê bertekên tund nîşan didin.
Meclisa Ciwanên Şêladizê li ser malpera xwe ya facebookê, ragihand ku dê dijî qetilkirina Wezîr li Şêladizê rabin ser xwe û xwepêşandanek girseyî lidar bixin.
Meclisa Ciwanên Şêladizê di peyama xwe de bang li ciwanên gundê Sîte û Sîrê kir û wiha got: “Divê ciwan wêneyê şehîd Wezîr Rêkanî bilind bikin, ji Sîrê heya Şêladizê bimeşin, êdî nabe li hemberî PDK’ê em bêdeng bimînin, nabe em hemberî PDK ya ku li hemberî welatiyên me gelek caran rêyên kuştin û binçavkirinê dihilbijêre, bêdeng bimînin.
Îro danê êvarî, em ê dijî şehîdkirina Wezîr Tayîp ê ku ji aliyê çeteyên Roj ve hatî qetilkirin, bi armanca şermezarkirinê, xwepêşandanek girseyî lidar bixin. Em bang li hemû welatiyan, niştecihên herêmê dikin da ku tev li xwepêşandana girseyî bibin.” ŞÊLADIZ
