Bi hezaran şêniyên Eyn Îsa û gundewarên wê û koçberên Girê Spî ji bo şermezarkirina êrîşên dewleta tirk a dagirker daketin qadan. Xwepêşandan ji çerxerêya Dispilîna Leşkerî dest pê kir û li çerxerêya Şaredariyê ya li navenda bajêr rawestiyan.
Bi navê malbatên şehîdan Eyşe Efendî axivî û gefên dewleta tirk ên li ser Bakur û Rojhilatê Sûriyeyê şermezar kir.
Eyşe Efendî bêdengiya garantorê Rûsyayê û hikûmeta Şamê der barê gefên dewleta tirk ên domdar jî şermezar kir.
Berdevkê Komîteya Çandê ya Kantona Girê Spî Fewaz El-Elî jî piştrast kir ku ew gelekî hevgirtî ne û da zanîn ku ew dê dijmin li ser xaka wan û tevahî komployên ku armanc dike herêmê dagir bike, têk bibin
El-Elî destnîşan kir ku zarokên herêmê bi hevgirtin û yekitiya xwe dikarin êrîşên dewleta tirk ên li dijî Bakur û Rojhilatê Sûriyeyê têk bibin.
Xwepêşandan bi berzkirina sloganên silavkirina berxwedana HSD û dilsoziya bi şehîdan re bi dawî bû. EYN ÎSA
