Wekîlanê Parlamentoyê Îngilistanî Kim Johnsonî û Lyyod Russel-Moyleyî hêrişê kîmyewî yê dewleta tirke ya îşxalkere ardî rojdem. Johnson û Russel-Moyleyî roniştişê parlamentoyî de muşteşarê Parlamentoyî Leo Dochertyî rê pers kerd ke derheqê meseleya nê hêrişanê Tirkîya de OPCWyî rê tehqîqat do bêro kerdene yan nê.
Dochertyî cewab da persan û dîyar kerd ke hayîya hukmatê Îngilîstanî est a ke Tirkîya Başurê Kurdîstanî de ‘fosforê sipî’ şuxilnayê û vat: “La delîlê yekserî destê ma de çin ê ke nê îdîayan sereraşt bikerê. Ma nê îdîayan ser de vindenê.”
Llyod Russell-Moyleyî da zanayane ke Wekîlê CHPyî Sezgîn Tanrikuluyî vato: “Mi dîmenê çekanê kîmyewîyan temaşe kerdî. Çekê kîmyewîyî sûcê vera merdimateyî yê. Ez do serê sibayî nê îdîayan ser o persnameyêkî pêşkêş bikera.”
Llyod Russell-Moyleyî vat: “Wekîlêkê Tirkîya vato ke Tirkîya gaz şuxilnayo û seba ke no çi vato pê paştdayîşê PKKyî ameyo sûcdarkerdene. Tanrikulu endamê partîyêka Tirkîya yo. Endamêkê partîya kurdan zî nîyo.” LONDON
