Fermandarîya Qerargehê Merkezê Pawitişê Şarî (MPŞ) bi eşkerayîyêke da ke qet eleqyêka înan pê teqayîşê Stenbolî çîn a.
Eşkerayîye de nê ameyî vatene: “Şarê ma û rayapêroyîya demokratîke zanê ke eleqeya ma pê na mesele çîna, ma sîvalan hedef nêgenê û hêrişan winayênan zî qebul nêkenê.Têgêrayîşê me têkoşînê heqdar û meşruyî rayra beno. Ma wazenê ke pîya bi şaranê komelê Tirkîya ameyoxêkê azad, demokratîk û seyyewbînî bifernê. Coka ma qetî şarê sîvîlî hedef nêgenê.
Eşekerayo ke vera têkoşînê ma yê meruyî yo ke tim aver şino de zor dîyayo rejîmê APK-MHPyî. Deşîfre bi ke çekê kîmyewîyî şuxulnenê û dima ra dîmenê ke leşkeranê xo vêşenenê vejîyayî werte. Seba ke rojdemî bibedilnê planêko tarî fînayo dewre. Badê nê teqayîşî bitaybetî Kobanê sey hedef mojenê. No zî hetê plananê înan mojnena ra. Eke çew na çarçewe ra biewno tira eşkera yeno vînayene no destpêkerdişê planêkê tarîyî yê neweyî yo. Ganî heme hêzê demokrarî û rayapêroyîya Tirkîya prosesê tarîyî yo ke yeno waştene ke bêro averdene, bivîno û semedê teşîfrekerdişê na mesele têkoşîn bikero.” BEHDÎNAN
