Merkezê Îrtîbatî û Çapemenîye yê HPGyî derheqê hêrişanê artêşa tirke de eşkerayîye daye û nê vatî: “23ê sibatê de îşxalkeranê ke Warê Xoverdayîşî yê Girê Cûdîyî de pê çekanê giranan hêrişê hêzanê ma kerd, hetê hêzanê ma ra semedê xopawitişî pê çekanê giranan ameyî pirodayene, û derbkerdene.
Eynî roje mewzîyê xoverdayîşî yê dewa Sîda ya bajarekê Şêladizê ya Amedîyê pê topanê fosforî û bombayanê qedexeyan 25 rey dîyayî bombayan ver. Reyna Warê Xoverdayîşî yê Girê Bahar û Girê Amedîyê û mewzîyê xoverdayîşî yê dormeyê herêma Çemço û dewa Sîda pê teyarayanê şerî 10 rey û pê obus, havan, tanq û çekanê giranan 83 rey dîyayî bombayan ver.”
