Domano bi nameyê Y.D.yî (14) şewa 21ê adare gama ke pîya bi emazanê xo agêrayêne keye hetê polîsan ra ame remnayene. Polîsan bîlasebeb doman berd erazîya venge û ci rê îşkence kerd ke wa vajo ”ez tirk a” û kurdan rê nengan biçîno û Marşê Îstîkalî biwano. Polîsan bi îşkenceyê wehşîyî fek û destê domanî girêdayî û eşt kişta dereyî. Tarîya şewe de dewijêkî doman dî û berd nêweşxane.
Domano ke Neweşxaneyê Dewlete yê Licê de raporê derbî girewt û dima ra sewqê Fakulteya TÎPî ya Unîversîteya Dîcle bi vat o hetê çar polîsan ra raştê îşkenceyî ameyo. Y. D.yo ke raştê îşkenceyê polîsan ame rîsk est o ke yew çimê xo vînî bikero. Vilabîyayîşê xebera derheqê domane ra dima Serdozgerîya Komare ya Amedî da zanayîş ke derheqê polîsan de tehqîqat dîyayo dest pêkerdiş. AMED
