Îran de tena aşma temmuze de tewr tay 225 tenî ameyî tepiştene. Peymeyê tepiştişê aşma temmuze se ra 34 ê aşma hezîrane ra hîna zêde yo. Goreyê malumatanê ke ameyî destfînayene; kesê ke ameyî tepiştene ra 131ê kesî kurd ê û 19 kesî zî belûc ê. Mîyanê kesê ke ameyî tepiştene de 29 kesî cinî û 7 kesî zî tut ê. Heto bîn de 16 çalakgerê dîn, xeylê wendekar û akedemîsyen, 8 rojnameger û 7 zî hunermendî ameyî tepiştene.
