Rayberê Şarê Kurdî Abdullah Ocalanî û tepişteyanê bînan ê Zîndanê Îmraliyî ra 25ê adara 2021î ra nata xeberêke nêna girewtene.
Goreyê xebera Ajansê Mezopotamya Abdullah Ocalan û tepişteyanê bînan Omer Hayrî Konar, Veysî Aktaş û Hamîlî Yildirimî rê bi bahaneya cezaya dîsîplînî ameyo qedexekerdene ke şeş mengan ê avûkatanê xo de pêvînayîş bikerê.
Avûkatanê Buroyê Huqûqî yê Asrinî seba pêvînayîşî muracatê Hakîmîya Înfazî ya Bursa kerd. Muracatî ra dima ame eşkerakerdene ke 3yê gulane de no qedexeyê pêvînayîşî ameyo dayene. Derheqê tedeyîya ceza de agahîyêke nêdîyaye avûkatan.
Îtîrazê vera qedexdeyî ameyî redkerdene. Avûkatî do vera qedexeyî muracatê Mehkemeya Qanûnê Bingeyîyî bikerê.
Rayberê Şarê Kurdî rê 31ê teşrîna verêne yê 2023yî de ancî qedexeyê pêvînayîşê bi avûkatan ê 6 mengan dîyabi.
