Spanya de 81 dezgeh, komele û sendîkayan derheqê tecrîdê vera Rayberê Şarê Kurdî Abdullah Ocalanî de mektubêke şawite Serekê Komîteya Vergirewtişê Îşkenceyî (CPT) Alan Mitchellî.
Mektube de dîya zanayene ke Abdullah Ocalan lîderê bi mîlyonan kurdan o la 38 mengî yo tecrîdê Îmraliyî ra semed ey ra xeberêke nêna girewtene. Mektube de wina ame vatene: ”Rewşa Abdullah Ocalanî ra hayîya keye û avûkatanê ci çin a. Ma wazenê ke CPT na babete de têbigêro. CPT eşkeno şoro Îmraliyî, dewleta tirke rê seba pêvînayîşanê keye û avûkatan teda bikero.
Ganî CPT horeyê madeya hîrêyîne ya Konseya Ewropa têbigêro. Ma bi pêro zerrîya xo wazenê ke şima cade têbigêrê û derheqê rewşa Abdullah Ocalanî de agahîyan bidê. Ganî şima bikerê ke Abdullah Ocalanî de pêvînayîşî do bêrê kerdene. No do bibo wesîleya çareserîya meseleya kurdan û haştîya Tirkîya.”
