Kurdîstan, Tirkîya û Ewropa ra 122 rojnameger, nuştox û xebatkaranê medya waşt ke rojnameger Serdar Karakoç cade vera bidîyo ke waştişê Almanya ser o Hollanda de amebi tepiştene.
Eşkerayîye de ame vîrvistene ke 23yê gulane de polîsanê Hollanda waştişê Almanya ser o Serdar Karakoç destbend kerdo û dima hetê mehkeme ra o tepişîyayo. Eşkerayîye de ame parekerdene ke Karakoç tedayanê dewleta tirke ra 35 serrî verî Ewropa de cabîyo û o wextê bombardumanê vera Ozgur Ulke de uca de bîyo.
Eşkerayîye de wina ame vatene: ”Ma wazenê ke Serdar Karakoç cade vera bidîyo û dewleta Hollanda polîtîkayanê krîmînalîzkerdişê kurdan û çapemenîya kurdan ra fek vera bida.
Ma venga çapemenîya Hollanda, dezgehanê çapemenîye, sendîkayanê rojnamegeran û hemkaranê xo danê ke seba azadîya Karakoçî çalakîyan bikerê.
Demokrasî, huqûq, azadîya xebergirewtiş û xeberresnayîşî heqê kurdan o zî.”
