Koyê Agirî (Glî Dax) yê qezaya Bazîdî ya Agirî de bi tewrbîyayîşê leşker, polîs û qoricîyan herêma Qeta Reşî û herêmanê ci yê bînan de 18ê hezîrane de operasyonê îşxalî ke dîya destpêkerdene, dewam keno, herême pê teyaranê şerî dîyena bombayan ver.
Hetê bînî ra herême de dekewtişê dewan û wareyan zî yeno astengkerdene. Dîya zanayene ke rîyê operasyonanê îşxalî ra dewijî nêeşkenî heywananê xo bêrê wareyan û dewijê ke wareyan de nêeşkenê vejê teberî.
Wezîrîya Karanê zereyî eşkera kerd ke mabênê gerîlayan û artêşa tirke de pêkewtiş vejîya û gerîlayêk şehîd bîyo.
Dîya zanayene ke gerîlayo bi nameyê Yilmaz Onerî (Şeyhmus Malazgir) şehîd bîyo, cenazaya ci teslîmê keyeyê ci bîye û Milazgîr de ameye definkerdene.
Wextê definkerdişî de kesêkî vat: ” Gama ke dîmenê operasyonî medyaya dîjîtale de ameyî parekerdene, weslê cenaza temam bî la badê teslîmgirewtişê cenaza am dî ke erme, mil, sere, zerre û lingê ci hewayêkê keyfî ameyî şiktine.
