Dengbêj Eyşe Şan yek ji navên girîng ên muzîka Kurdî ye 28 sal jiyana xwe ji dest da. Eyşe Şan a ku di nav gel de wekî “Keybanûya bê tac û text” tê naskirin, di sala 1938’an de li Amedê, tê dinyayê. Jiyana Dengbêj Eyşe Şan bi sirgûn, zext,zordarî derbas bû jî ji bo muzîka Kurdî berhemên nirxdar afirand. Eyşe Şan di 18’ê Kanûna 1996’an de li Îzmîrê li mala ku tenê lê dima ji ber pençeşêrê jiyana xwe ji dest da.
Rêvebera Mala Hunerê ya Jîn a Îzmîrê xebatên çand û hunerê dimeşîne Belkîsa Suleymanoglu Bitkîn diyar kir ku Eyşe Şan ji bo her jineke Kurd sembol û mînak e û wiha got: “Me Eyşe Şan bi têkoşîna wê ya li dijî pergala serdest a mêr nas kir. Ji bo vegotina têkoşîna wê ya pîroz tu gotin û hevok têrê nake. Têkoşîna wê ya li dijî zîhniyeta mêr ji bo gelek jinan bû hêvî.”
Belkîsa diyar kir ku Eyşe Şan tu carî dest ji muzîkê û têkoşîna li hemberî zehmetiyan bernedaye û got: “Eyşe Şan îro jî rê nîşanî me dide û me ronî dike. Têkoşîna wê ya îro ji bo bi hezaran jinan bûye mînak.”
