Rojnameya Xwebûnê vê hefteyê bi manşeta “Mîmarê çareseriyê amade ye, lê dewlet? bal kişand kişand ser peyamên Rêberê Gelan Abdullah Ocalan ên her tim bi rêya parêzer, malbat û şandeyan bi raya giştî re parve kiriye. Rêberê Apo beriya ku dîl bê girtin, her tim bang li rayedarên dewlet û hikûmetê kir ku pirsgireka kurd bi rêya siyaseta demokratîk û aştiyane çareser bike. Gelek caran agirbesta yekalî îlan kir. Lê li dijî vê yekê artêşê her tim bi operasyonên leşkerî bersîv da. Rêber Apo piştî bi komploya navdewletî dîl hat girtin, li Girava Îmraliyê jî gelek caran bi rêya parêzer, malbat û şandeyan peyamên çareseriya demokratîk ji hikûmet û dewletê re şand. Lê rayedarên dewletê her tim bi operasyonên leşkerî, siyasî, qeyûm û qedexeyan bersîv da. Rêber Apo herî dawî dîsa bi rêya şandeyê peyam şand û nexşeya çareseriyê pêşkêşî hikûmet û dewletê kir.
Rojnameyê di surmanşetê de jî bi sernavê “Gel ji bo av û axa xwe bûye mertal bal kişand ser nobeta mertalên zindî ya li ser Bendava Tişrînê û 10emîn salvegera rizgarkirina Kobanê.
Rojnameyê di rûpela Jin de jî bi sernavê “Şehîdên me rûmeta me ye” cih da nivîsa Asya Weşûkanî û bal kişand ser rol û rista şehîdan. Rojnameyê dîsa rûpela jin de bi sernavê ‘Jin avaniya civakê ye” cih da nivîsa Guhara Hesen û rol û rista jinê ya di nava civakê de nivîsî.
Di bin manşetê de jî bi sernavê “Dewletê ke xo sucdar hîs kenê” cih da nivîsa kirmanckî.
