Mamoste û karmendên nerazî li dijî derengmayîn û şewitîna mûçeyan 2 rojin li ser rêya Erbet-Silêmaniyê dest çalakiyê kirine. Hate zanîn ku hêzên ewlekariyê bi ser çalakgerên çalakiya a li ser rêya Erbet-Silêmaniyê hatiye kirin de girtin û hewla da çalakgeran belav bikin.
Yek ji mamosteyên nerazî ku wê kêliyê di konê çalakiyê yê li ser rêya Erbet Silêmaniyê de bû, têkildarî serdegirtina hêzên ewlekariyê de ji Rojnewsê re axivî û diyar kir ku îşev hêzên ewlekariyê bi cilûbergên sivîl bi ser konê wan yê çalakiyê de girtin û hewl dan hemû çalakgeran belav bikin.
Mamoste di dewamê de wiha got; “Bi awayek gelek tund û dijwar êrîşî çalakgeran kirin, çend rojnamevan û çalakger derb kirin. Her wiha hewl dan bi bikarîna hêzê hewldan çalakger dawî li greva xwe bînin. Her wisa hêzên ewlekariyê dest danîn ser gelek kelûpelên rojnamevan û saziyên çapemeniyê.”
Hêjayî bibîrxistinê ye ku îro çalakiya mamoste û karmendan li ser rêya Erbet-Silêmaniyê didome. Çalakgeran bi vedana konê çalakiyê rê li tankerên petrolê girtin û ev yek weke karteke zextê li dijî desthilatê ji bo daxwazên wan werin bicihanîn, bikar anîn. Çalakgeran gotin “Yek ji şahdamarên aborî yên desthilata Herêma Kurdistanê bi qaçaxî firotina petrolê ye.”
