Pîrozbahiyên Newroza 2025’an bi pêşengiya Partiya Herêmên Demokratîk (DBP), Partiya Wekhevî û Demokrasiyê ya Gelan (DEM Partî), Kongreya Demokratîk a Gelan (HDK) û Tevgera Jinên Azad (TJA) tên lidarxistin. Cejna Newroza îsal wê herî kêm li 89 navendan were pîrozkirin. Wê starta pîrozbahiyên Newroza îsal di 11’ê Adarê de bi deklarasyona li Amed û Stenbolê were aşkerekirin, bê dayîn. Piştre di 12’ê Adarê de dê agirê pêşî yê Newroza îsal li navçeya Licê ya Amedê bê pêxistin.
Dirûşma pîrozbahiya Newroza îsal jî diyar bû. Komîteya Amadekar a Newrozê dirûşma Newroza îsal wek “Rêbertiya Azad Civaka Demokratîk” ragihand û diyar kir. Bi vê dirûşmê balê dikişînin ser banga dîrokî ya Rêberê Gelê Kurd a Abdullah Ocalan ku 27ê Sibatê hat aşkerekirin.
