Di danişîna 5’emîn a doza hevseroka KCD’ê Leyla Guven de heyeta dadgehê biryara tehliyeyê da
Danişîna doza hevseroka KCD’ê û parlamentera HDP’ê ya Colemêrgê Leyla Guven ku ji bo rakirina tecrîda girankirî ya li ser Rêberê Gelê Kurd Abdullah Ocalan 79 rojin di greva birçîbûnê ya bêdem û bêdorveger de ye, hate dîtin. Di danişîna ku tu kes tê de amade nebû, ji Guven re biryara tehliyeyê hate dayîn.
Danişîna 5’emîn a doza Leyla Guven li 9’emîn Dadgeha Cezayên Giran a Amedê hate dîtin. Guven bi îdiayên ‘Avakirin û birêvebirina rêxistina çekdarî’, ‘Propagandaya rêxistinê’ û ‘Muxalefeta li dijî qanûna hejmara 2911’an’ dihat darizandin. Guven ku li Girtîgeha Tîpa E ya Amedê tê girtin, parêzerên wê û kes beşdarî danişînê nebûn.
Beriya danişînê li derdora edliyeyê û hundirê wê polîsan tedbîr girtibûn. Di danişîna ku tu kes beşdar nebûbû de dozger rewşa delîlên heyî hincet nîşan da û der barê Guven de biryara dewama girtinê da.
Heyeta dadgehê komkirina delîlên di dosyeyê de li ber çavan girt û bi şertê qedexeya derketina derveyî welat, biryara tehliyekirina Leyla Guven da. AMED
