HDP ji bo hilbijartinên rêveberiyên herêmî dirûşma xwe ya esasî weke ‘Bi hev re ber bi demokrasiyê ve’ destnîşan kir
Partiya Demokratîk a Gelan (HDP) ji bo danasîna namzetan û diyarkirina beyannameya hilbijartina rêveberiyên herêmî ya dê di 31’ê adarê de bê lidarxistin, li oteleke Enqereyê civînek li dar xist. Di civînê de tevî hevserokên HDP’ê Pervîn Buldan û Sezaî Temellî, rêveber û namzetên partiyê û gelek welatî jî amade bûn.
Bi vê civînê re jî HDP’ê li Enqereyê starta hilbijartinê da. Di civînê de afîşên ‘Zêdetir meclisên şaredariyê’, ‘Zêdetir azadî’, ‘Zêdetir demokrasiya herêmî’ û ‘Zêdetir hêvî’ bi salona civînê ve hatibûn daliqandin. Di heman demê de HDP’ê dirûşma esasî jî weke ‘Bi hev re ber bi demokrasiyê ve’ diyar kir. Di vê çarçoveyê de li ser medyaya civakî kampanyaya #BirlikteDemokrasiye hate destpêkirin.
Civîn bi deqeyek rêzgirtinê dest pê kir. Tê payîn ku di civînê de dê danezana hilbijartina îsal jî bê aşkerakirin. ENQERE
