Zindanê Padaye yê Asyîşo Berz yê Tîpa Hyî yê Erziromî de hepsîyan kerdî odeyanê yew kesî
Zindanê Padaye yê Asyîşo Berz yê Tîpa Hyî yê Erziromî de hepsîyanê sîyasî qawişanî înan ra vetî û kerdî odeyanê yew kesî. Semra Gumuşluye bi rayîrê telefonî mêrdeyê xo Yaşar Gumuşluyî reyde pêvînayîş viraşte û dîyar kerde ke pêvînayîşê telefonî yê 12ê Adare de mêrdeyê aye vato înan kerdî odeyanê yew kesî.
Gumuşluye daye zanayene ke derheqê rewşa mêrdeyê xo yo ke 2 serrî yo tewqîfkerdeyo de Mudirê Zindanî gêraya û va: “Îdarekarê zindanî mi rê vatî ‘Ma wina ca de dî. Nika do wina bibo. Do tena bimanî.’ Xebera embazanê qawişan yewbînan reyde çin a. Kesêk nêzano çend hepsî grevê vêşanîye de yî û çi bi embazanê înan ameyo. Qey înan kerdî odeyanê yew kenî û hedefê înan çi yo?”
Pêroyê hepsîyan kerdî odeyanê yew kesî
Gumuşluye dîyar kerde ke odeyanê yew kesî de televîzyon çin o û wina peynî kerde: “Rojnameyan zî nêdanî hepsîyan. Odeyan de awe zî çin o. Ma nê caardişanê kêfî qebûl nêkenî. Mêrdeyê nêzano ke rewşa embazanê ci senîn o. Tena mêrdeyê mi nê pêroyê hepsîyan kerdî odeyanê yew kesî.”
Derheqê hedîse de ma bi telefonî Mudirê Zindanî yê Erziromî gêrayî û dîyar kerdî ke ê do malumat nêdî. ERZIROM
