Serfermandariya Artêşa Îranê îdiayên Suleyman Soylu ku di got; ‘me û Îranê li dijî PKK’ê operasyona hevpar da destpêkirin’, derewand
Wezîrê Karên Hundir ê Tirkiyeyê Suleyman Soylu di axaftina xwe ya li Serîk a Antalyayê de îdia kir ku di danê sibeha îro saet di 08.00’an de hêzên wan û artêşa Îranê li dijî gerîlayên PKK’ê cara yekemîn dest bi operayona hevpar kiriye. Gotinên Soylu ji hêla Serfermandariya Artêşa Îranê ve hate derewandin.
Têkildarî mijarê çavkaniyeke ji Serfermandariya Artêşa Îranê ku nexwest navê xwe aşkera bike bi Ajansa Nûçeyan a Mehrê ya Îranê re axivî. Li gorî nûçeyê, çavkaniya ji Serfermandariya Artêşa Îranê wiha got: “Tu eleqeya hêzên artêşa Îranê ya bi operasyona dewleta tirk ku di roja duşemê de li dijî PKK’ê daye destpêkirin re nîne. Operasyon ji hêla artêşa tirk ve hatiye destpêkirin û didome.”
