HDP seba hûmartişê 2 hezar û 276 rayê ke Tetwanî de ameyî betalkerdiş, muracatê Heyetê Weçînayîşî yê Qeza û Bajarî kerdbî. Badê ke muracat ame redkerdene, HDPyî na reye muracatê YSKyî kerd
Weçînayîşê herêmî yê 31ê Adare de vakurê Kurdistan û Tirkîye de 55 mîlyon ra zêde kesî şî sindoqan ser û namzedabê şaredarîyan weçînayî. Netîceyê weçînayîşî de vakurê Kurdistanî de xeylê şaredarî kewtî destê Partîya Demokratîke ya Şaran (HDP). Labelê xeylê bajar û qezayanê ke HDP tede vindî kerd de mabenê rayê HDP û AKPyî de peymeyêko zaf tay esto. Nê cayan ra yew zî Tetwan o.
Goreyê netîceyê fermî yê Tetwanî, netîceyê weçînayîşî de HDP 15 hezar û 330 rayan girewto û AKP zî 15 hezar û 605 rayan girewto. HDP seba hûmartişê 2 hezar û 276 rayê ke Tetwanî de ameyî betalkerdiş, muracatê Heyetê Weçînayîşî yê Qeza û Bajarî kerdbî. Badê ke muracat ame redkerdene, HDPyî na reye muracatê YSKyî kerd. Labelê HDP na reye muracatê Heyetê Weçînayîşî yê Berzî (YSK) kerd.
Yeno pawitene ke YSK mîyanê 2 rojan de qerarêk bido. BEDLÎS
