Gerîlayên HPG û YJA Starê li Girê Kevorte yê Sîdekan ê başûrê Kurdistanê li dijî hêzên artêşa tirk çalakî pêk anîn. Hat zanîn ku di encama çalakiyê de gelek leşker hatine kuştin û gelek leşker jî birîndar bûne
Çalakiyên gerîlayên HPG û YJA Starê yên li dijî hêzên artêşa tirk berdewam in. Gerîla hema hema rojane derban li artêşa tirk dixe û di van çalakiyan de jî gelek leşker tên kuştin. Li gorî agahiyan, hêzên gerîla li Girê Kevorte yê Sîdekanê li dijî leşkerên tirk çalakiyeke bi bandor pêk anîn.
Li gorî agahiyên ji çavkaniyên herêmê, gerîlayên HPG û YJA Starê li Girê Kevorte yê herêma Sîdekan a başûrê Kurdistanê li dijî hêzên artêşa tirk çalakî pêk anî.
Hate diyarkirin ku çalakî saet di 02:30’an de pêk hatiye û di çalakiyê de gelek leşker hatine kuştin û gelek leşker jî birîndar bûne. Çavkaniyên herêmî ragihand ku cihê çalakiyê ji aliyê helîkopteran ve tê bombebarankirin. BEHDÎNAN
