Tevgera Azadî ji bo lidarxistina 3’yemîn kongreya xwe amadekariyan dike
Tevgera Azadî ya Civaka Kurdistanê (Tevgera Azadî) wê di meha gulanê de 3’yemîn kongreya xwe lidar bixe. Ji bo amadekariyan Tevgera Azadî ji niha ve ketiye di nava liv û tevgerê de û amadekariyên kongreyê dike.
Berdevka Tevgera Azadî Tara Hisên li ser amadekariyên kongreyê ji Rojnews’ê re axivî û diyar kir ku amadekarî ber bi temam bûnê ne û wiha got: “Hemû kar û barên pêwîst ên ji bo lidarxistina kongreyê hatine kirin. Wê di demek nêzîk de were lidarxistin.”
Tara Hisên bal kişand li ser astengiyên li pêşiya wan û destnîşan kir ku ev demek bû li pêşiya wan zext û astengî hebûn û got ku wê ev kongre bibe bersivek ji bo rewşa heye.
Tara Hisên da zanîn ku wê bi bernameyek dewlemend biçin kongreyê û wiha got: “Em ê di vê kongreyê plan û projeyên xwe yên heta kongreyek din aşkera bikin. Em ê ji hemû aliyekê re ragihînin ku Tevgera Azadî li vir gaveke din destpê dike.”
Tevgera Azadî ya Civaka Kurdistanê (Tevgera Azadî) di 17’ê mijdara 2014’an kongreya xwe ya damezirandinê lidar xist. Sala 2017’an de jî duyemîn kongreya xwe lidar xist. Di sala 2018’an de jî piştî ku destûra fermiyekê ji hikûmeta Iraqê wergirt, bi beşdarbûna nûnerên Komîsyona Bilind a Hilbijartina Iraqê de kongreya xwe ya fermiyetbûnê pêk anî. SILÊMANÎ
