Tevgera Azadî ji ber pirsgirêkên ewlehiyê, sêyemîn kongreya xwe ji bo demekî ne diyar taloq kir. Berdevka Tevgera Azadî Tara Hisên da zanîn ku hemû amadekarî hatine kirin û dê di demekî kin de kongreya xwe pêk bînin
Sêyemîn Kongreya Tevgera Azadiya Civaka Kurdistanê (Tevgera Azadî) ku dê îro saet di 09.00’an de li parêzgeha Kerkûkê bihata lidarxistin, ji ber pirsgirêkên ewlekariyê hate taloqkirin. Der barê mijarê de Tevgera Azadî daxuyaniyek da. Daxuyanî ji hêla berdevka Tevgera Azadî Tara Hisên ve hate xwendin.
Di daxuyaniyê de berdevka Tevgera Azadî Tara Hisên anî ziman ku li rexmê ku hemû amadekariyên kongreyê hatibûn kirin jî, piştî bi hevsengiya bi saziyên ewlekariyê re, ji ber sedemeke ewlekariyê wan kongreya xwe taloqî ji bo demekî ne diyar kiriye.
Hisên destnîşan kir ku hemû amadekariyên kongreyê hatine kirin û wiha dawî li daxuyaniyê anî: “Ji ber vê yekê, em ê piştî hevsengiya bi saziya ewlekarî û komîsyona bilind a hilbijartinên Iraqê re, dê kongreya xwe di demekê kin de pêk bînin.” KERKÛK
