Vejîya raşte ke serçeteyêk DAIŞî yê Tirkîye Îlyas Aydinî ke bi nameyê kodî ‘Ebu Ubeyde’ yeno zanayene destê HSDyî de yo
Vejîya raşte ke serçeteyêk DAIŞî yê Tirkîye Îlyas Aydinî ke bi nameyê kodî ‘Ebu Ubeyde’ yeno zanayene destê Hêzê Sûrîyeya Demokratîke (HSD) de yo. Aydinî operasyonê hemverê Dêra Zorî de ame tepiştene. Nameyê çeteyê DAIŞî Aydinî, doza yewin ya DAIŞî ya Stenbolî de sey ‘Rayberê Rêxistinê Stenbolî’ derbaz bîyêne. Serçete Aydinî qetlîyanê Pirsûs, Anqara û 5 çalakîyê cîya-cîyanan de sey sucdar yeno muhakemekerdene. Serçete Aydinî sewbîna kiştişê leşkerê tirkî Sefter Taş û Fethî Şahînî ke sînorê Kilîsî de 1ê êlula 2015î de ameyîbî remnayîş û veşênayîşî de zî ca gêno. RIHA
