Rojeyê mergî yê grûba yewin ke 15 hepsîyan ra pê yena kewte roja 18. û yê grûba diyîn ke reyna 15 hepsîyan ra pê yena kewt roja 8. Xoverdayoxê rojeyê mergî yê Zîndanê Asayîşo Berzî yê Wanî êdî bi zorî mîyanê cayanê xo ra werizenî
Zîndanê Asayîşo Berzî yê Wanî de grevê vêşanîye yê bêdem û anêgêrayîşî û rojeyê mergî dewam kenî. Sol, şekir û lîmon nêdanî hepsîyanê grevê vêşanîye. Xoverdayoxî bi rayîrê keyeyanê xo dayî zanayene ke gardîyanan 14ê Gulane de eştî kawişanê hepsîyan ser û dest ronayî kitab, radyo û sewbîna lazimîyanê şexsîyan ser. Hepsîyan dîyar kerdî ke lazimîyê hepsîyanê bînan yê ke grev de nîyî zî bi mehneya înan nînê caardene û yenî astengkerdene.
Hepsîyan dayî zanayene ke xoverdayoxê rojeyê mergî xeylê bêhal î û 5 xoverdayoxê grûba yewin nêeşkenî bi tena serê xo mîyanê cayanê xo ra werizenî. WAN
