Li Xelfetiyê 3 zarokên ku di dema binçavkirinê de rastî terora dewletê hatin, îro piştî îfadeyê li dozgeriyê hatin berdan
Di 18’ê gulanê de li gundê Derto yê navçeya Xelfetî ya Rihayê polîs û leşkeran operasyonek li dar xist. Di dema operasyonê de şer derket. Li gorî daxuyaniya walîtiya Rihayê, di şer û pevçûnan de komîsereke tîmên tevgera taybet hatibû kuştin û 2 polîs jî birîndar bibûn. Her wiha walîtiyê îdia kiribû ku di şer de 2 gerîlayên HPG’ê jî jiyana xwe ji dest dane.
Piştî şer û pevçûnan, polîs û leşkeran li Xelfetî û Hewagê bi ser gelek malan de girt û herî kêm 47 welatî bi îşkenceyê binçav kirin. Welatî piştre jî derbasî Şaxa TEM’ê ya Midûriyeta Polîsan a Rihayê hatibûn kirin.
Hat zanîn ku ji 47 kesên hatin binçavkirin 3 zarok jê hatin berdan. Zarok S.A (14), F.A (17) û M. A (13) pişti sewqî dozgeriyê hatin kirin û dozgeriyê îfadeyên wan girt û serbest hatin berdan. RIHA
