Dadgeha Sulh Ceza ya Geverê Çawîşê pispor M.T., yê li Geverê şivan Sertip Şen kuşt, bi kontrola edlî serbest berda
Di 2’ê gulanê de li Gundê Wargenima yê navçeya Geverê ya Colemêrgê, şivanê 46 salî Sertîp Şen ê pezê xwe diçêrand, bi guleyekê birîndar bû û ji ber zêde xwîn winda kir jiyana xwe ji dest dabû. Malbatê piştî otopsiyê cenazeyê Şen li gundê Wargenima defin kiribûn.
Piştî lêpirsînê malbatê xwe gihandin rapora otopsiyê. Di rapora otopsiyê de hat diyar kirin ku Şen bi guleya li sînga wî ketiye jiyana xwe ji dest daye. Tekildarî mijarê Serzgerê Komarê yê Geverê lêpirsîn dabû destpêkirin. Di lêpirsinê de diyar kir ku çek aydî eskerê bi pere H.A. ye. Lê yê gule berda ye jî çawişê pispor M.T. ye. Di raporê de diyar kirin ku Şen bi çeka HK33 ya piyadeyê hatiye kuştin.
Pişti lêpirsînê Çawîşê Pispor M.T. binçavkirin. Dozgeriyê piştî îfadeya çawîşê pispor M.T. girt, sewqî dadgehê kir. Heyeta Dadgeha Sulh Ceza ya Geverê jî piştî îfadeya Çawîşê Pispor M.T., girt, bi şertê kontrola edlî serbest berda. COLEMÊRG
