Dewa Umeron-Wîmeronî ya herêma Umeronî ya qezaya Bongilan ya Çewlîgî de hezaz virazîya
Herêma Umeronî ya qezaya Bongilan ya Çewlîgî de hezaz virazîya. Netîceyê hezazî de herêma wareyê Umeronî zirar dîyî û pêro-pîya 3 wareyan de zirar virazîya. Xeylê mezrayanê girêdayeyê dewa Sulunkaşî de awa şebeke birîya. Dewa Kavacikî de zî baxçe û cayê çerênayîşê heywanan zirar vînayî.
Dewijê dewa Sulunkaşî dîyar kerdî ke roja dişeme hezaz virazîyayo û watî: “Saetanê serê sibayî de hezaz virazîya. Hezaz mergê Zeynebî de dest pêkerd û heta Zuaravî şî. Netîceyê hezazî de dereyê newe virazîyayî û wareyî texrîb bîyî. Awa xeylê mezrayan birîya. Ame vatene ke do cigêrayîş bêro kerdene. Personel ameyî, la heta ke ma şîyî cayê hezazî ê şîyî zî. Ma rê ame vatene ke nika çîyo ke bêro kerdene çin o. 3 wareyî temamî çin bîyî.” ÇEWLÎG
