Ji ber ku deriyên Bendava Ilisûyê hatine girtin, rêjeya çemê Dîcleyê kêm bû. Vê yekê hişt ku Cizîr bêav bimîne
Deriyên Bendava Ilisû ya ku Heskîf a xwedî dîrokekî 12 hezar salî dê di bin avê de bihêle, demek berê hatibûn girtin. Ji ber girtina deriyên bendavê, ava Çemê Dîcleyê kêm bû û her ku diçe kêmtir jî dibe. Ji ber vê rewşê bi hezaran malbatên li navçeya Cizîr a Şirnexê dijîn, bê av man û av ji bo wan nayê dayîn.
Şaredariya Cizîrê têkildarî mijarê daxuyanî da û destnîşan kir ku ji ber kêmbûna avê, pompeyên avê bi qasî ku têrê bike nikarin avê bidin tesîsatên parzînê.
Şaredariyê da zanîn ku ekîbên wan ji bo bilindkirina avê, li qada pompeyên avê, dest bi xebatê kirine û piraniya vê xebatê temam bûye. Di daxuyaniyê de hate gotin ku welatî ji bo pêdiviyên xwe yên avê dikarin li ekîbên wan ê avê bigirin û taxwaza avê ji wan bikin. ŞIRNEX
