Wan de xoverdayîşo ke 21 rojî yo vera xespkerdişê şaredarîyan yeno domanyene, ewro komeleyê herême zî tewrê ci bîyî
Wan de Nobeta Demokrasîyî ya vera xespkerdişê şaredarîyanê Amed, Wan û Mêrdînî ewro roja 21ine de dewam kerde.
Parlamenterê Partîya Demokratîke ya Şaran (HDP) Murat Sarisaç, Muazzez Orhane, Ayşe Surucu, Murat Çepnî, Dilşat Canbaze, Hasan Ozguneş, Platformê Komeleyanê Herême, Kongreya Îslamî ya Demokratîke (DÎK), Komeleya Alîmanê Dînî ya Stenbolî, Federasyonê Komeleyanê Amed, Êlih, Mûş, Bedlîs û Wanî, endamê meclîsê şaredarîye û xeylî hemwelatijî tewrê çalakîye bîyî. Polîsan çalakgerî girewtî binê ablûqa û destûrê rayaraşîyayîşî nêda. Vernîya banê HDPyî de eşkerayîyêk ameye dayene. Parlementere Dilşat Canbaz a ke eşkerayîye de qisey kerd bale ante xoverdayîşê vera qeyûman ser û va: “Şaredarîyê hîrê bajaranê ma ameyî îşxalkerdene. Bi qeyûman yeno waştene ke heme Tirkîya de ters û dişmenî bero hîskerdene. Sîstemê hemserekîye xêza ma ya mor ra. Hemserekîye bi bedelanê girdan ameye destfînayene û ma do naye ra ramêverê.”
Qiseykerdoxanê bînan zî vera polîtîkaya şerî razînêbîyayîş ramot û waştişê haştîye ard ziwan. WAN
