Qezaya Pîranî ya Amedî de bî reya 3ine ke hêrişê mezelê gerîlayê HPGyî Mahmût Alinbayî yeno kerdene. Alinbay tîya ra 3 aşmî verê ameybî definkerdene
Qezaya Pîranî ya Amedî de bî reya 3ine ke hêrişê mezelê gerîlayê HPGyî Mahmût Alinbayî (Adnan Pîro) ke 23ê Hezîrane de bajarê Dêrsimî de şerêk de şehîd bîbî û tîya ra 3 aşmî verê ameybî definkerdene yeno kerdene. Her reya ke hêriş yeno kerdene hetê keye ra yeno viraştene û na reye îşaretê ‘X’ mezel ser de ame ronayene.
Goreyê îdîayê şahidê hedîse rojanê verênan de wesayîtê zirxî yê polîsan kewto goristan. Keyeyê Alinbayî dîyar kerd ke şopê lingan vînayî û do reyna mezel bivirazî.
Keye derheqê hêrişî de gerre kerd. AMED
