Parlamentera HDPyî Pero Dundara ke Nobeta Demokrasîye ya Mêrdînî de qisey kerde û va: “Êyê ke ma nas nêkenê ma zî înan nas nêkenê. Tena şarê kurd eşkeno vera zextan de bivindero.”
Nobeta Demokrasîye ya Mêrdînî roja 43ine de dewam kerde. Parlamentera HDPyî Pero Dundare arde ziwan ke nêrazibîyayîşê verba qeyûman, şertê demokrasî yo û va: “Ma do heqanê xo ra fek vera nêdê û destkewtişê xo yê hemserekîye canêverdê.”
Nobeta Demokrasîye verê awanîya Partîya Demokratîke ya Şaran (HDP) ya Mêrdînî ameye viraştene. Vernîya çalakîye de polîsan dormeyê bînaye girewt. Çalakîye de parlamentera HDPyî Pero Dundare qisey kerd. Dundare va: “Tîya vera kurdan û heqanê ci hêrişêk esto. Heta ke no zulm dewam biko, ma do meydanan de bê. Şarê Kurdî eşkeno verê nê hêrişan bigêro. Nika ma teyna muxalefet kenê. Eke ma meydanan de heta peynîye xo ver bidê, dormeyê demokratîk ê Tirkîya zî do ma rê biewnê û wurzê ser payan. Heta ke na tedaye nêqeda ma do tîya têkoşîn bidê. Ma tîya yê. Her roje bombayî yenê varnayenê. Pereyê nê bombayan keda ma ra diznenê. Êyê ke ma nas nêkenê ma zî înan nas nêkenê. Ma do heqanê xo ra û destkewtişê xo yê hemserekîye ra fek vera nêdê.” MÊRDÎN
