Yekîneyên Antî Terorê yên Meclisa Leşkerî ya Minbicê êrîşkarê xwekuj ê DAIŞ’î ku dixwest li Minbicê komkujiyê bike, bêyî ku derbasî bajar bibe bêbandor kir
Meclisa Leşkerî ya Minbicê bi daxuyaniyeke nivîskî ragihand ku hêzên wan ên Yekîneyên Antî Terorê yên girêdayî meclisê, li gundê Ezir ê li rojhilatê Minbicê li dijî çeteyê xwekuj ê DAIŞ’ê ku hewl dida derbasî bajarê Minbicê bibe û komkujiyê bike, çalakiyeke taybet pêk anî.
Meclisa leşkerî destnîşan kir ku hêzên wan li ser rêya gundê Ezirê çalakî pêk anî û xwekujiyê DAIŞ’î bêbandor kir.
Herî dawî jî meclisê diyar kir ku êrîşkar rextekî bombebarkirî li xwe pêça bû. MINBIC
