100 ciwanên Tebqayê li ser banga seferberiyê tev li refên berxwedana li dijî dagirkeriya dewleta tirk û çeteyên wê bûn
Rûspiyên eşîrên herêmê demek berê ji bo bilindkirina têkoşîna li dijî êrîşa dagirkeriyê ya dewleta tirk û çeteyên wê ya li dijî rojavayê Kurdistanê, banga seferberiyê kiribû. Li ser vê yekê ciwanên Tebqayê bersiv da seferberiya rûspiyên herêmê.
Hat zanîn ku 100 ciwanên Tebqayê biryar dan ku tev li berxwedana li dijî dagirkeriyê bibin. Beriya ku ciwanên tebqayî tev li refên berxwedanê bibin, Meclisa Leşkerî ya Minbicê rext û çekên wan amade kirin û ji bo parastina Rojava tev li refên berxwedanê bûn.
Ciwanên ku tev li refên berxwedanê bûn da zanîn ku li ser banga seferberiyê û ji bo parastina xaka xwe tev li refên berxwedanê bûne. Ciwanan got ku wateya dagirkeriya dewleta tirk a li bakur û rojhilatê Sûriyeyê ew e ku çeteyên DAIŞ’ê careke din li vê herêmê zindî bibe. TEBQA
