Bi dehan xort û keçên bajarê Qamişloyê bersiv dan banga seferberiyê û bi daxuyaniyekê ragihandin ku tev li refên berxwedana li dijî dagirkeriya dewleta tirk bûne
Rojavayê Kurdistanê ji 9’e cotmehê ve rastî êrîşeke xedar a dagirkeriyê ya dewleta tirk û çeteyên wê tê. Li ser vê yekê jî Rêveberiya Xweser a Bakur û Rojhilatê Sûriyeyê banga seferberiyê kiribû. Ciwanên bajarê Qamişloyê jî bersiv dan banga Rêveberiya Xweser.
Bi dehan keç û xortên Qamişloyê bi daxuyaniyekê ragihand ku dê li dijî êrîşên dagirkeriyê yên dewleta tirk û çeteyên wê, tev li refên berxwedanê bibin. Ciwanan di daxuyaniya xwe ya ku li taxa Kornîş a Qamişloyê dan de destnîşan kir ku parastina axa welat ku bi xwîna şehîdan hatiye avdan, erkeke neteweyî ye û dikeve ser milê hemû ciwanan.
Ciwanan bang li rêxistinên ciwanan ên Bakur û Rojhilatê Sûriyeyê kirin ku tev li nav refên berxwedanê bibin. QAMIŞLO
