TJK-E bi daxuyaniyeke nivîskî bal kişand ku êrîşên dewleta tirk a dagirker zêde bûne û banga xurtkirina berxwedanê kir
Tevgera Jinên Kurd a Ewropayê (TJK-E) têkildarî êrîşên dewleta tirk a dagirker a li ser bakur û rojhilatê Sûriyeyê daxuyaniyek da.
TJK-E’yê diyar kir ku şervanên HSD’ê li bajarê Serêkaniyê berxwedaneke dîrokî dikin û wiha got: “Di roja 8’an de êrîşên li ser Serêkaniyê hê zêdetir bûne. Berxwedana şervanê HSD’ê ya dîrokê dinivsîne, israra azadî û rûmetê ya gelê Rojava û dîsa çalakiyên li çar aliyên cîhanê tê kirin Erdogan xistiye tengasiyê. Ji bo vê dixwaze bi hemû hêza xwe êrîşî Serêkaniyê bike û encamê jê bigire. Îro di roja 8’an de êrîşên xwe zêdetir kiriye û dixwaze qetlîamên nû bike.”
Di daxuyaniya xwe de TJK-E’yê ji bo piştgirîdayîna berxwedana Serêkaniyê ev bang kir: “Ji vê kêliyê û şûnde di serî de divê jin, ciwan, gelê û dostên me dakevin kolanan û di asta herî jor de xwedî li berxwedana Serêkaniyê derkevin. Divê gelê me mafê xwe yê rewa bikar bîne, çalakiyan xurt û mezin bike.”
