Balafirên şer ên dewleta tirk di van kêliyan de navçeya Zirgan a Serêkaniyê bombebaran dikin. Di bombebaranê de heta niha 8 sivîl birîndar bûn
Êrîşên dewleta tirk a dagirker û komên çete yên girêdayî wê yên li dijî rojavayê Kurdistanê bênavber didomin. Tevî ragihandina agirbesta di navbera DYA û dewleta tirk a dagirker de jî, êrîşên li dijî herêmê ranewestiyan.
Li gorî agahiyên ji herêmê, balafirên şer ên dewleta tirk di van kêliyan de bajaroka Zirgan a Serêkaniyê bi dijwarî bombebaran dikin. Di encama bombebaranê de heta niha 8 sivîl birîndar bûn.
Her wiha êrîşên qirkirinê yên hêzên artêşa tirk û çeteyên wê yên li navenda Serêkaniyê jî bi hemû dijwariya xwe didomin. Çavkaniyên ji navenda Serêkaniyê ragihand ku hêzên dagirker di van kêliyan de êrîşî noqteyên şervanên HSD’ê yên li Serêkaniyê dikin û di êrîşan de heta niha 3 şervan birîndar bûn û rewşa yekî giran e. SERÊKANIYÊ
