Dewleta tirk a dagirker û çeteyên wê êrîşî gundên Xirbet Bekir û Kor Hesen ên Girê Spî û gundên Eyn Îsayê dikin. Hat zanîn ku artêşa tirk herêmê bombebaran û topbaran dike
Tevî ‘agirbesta’ di navbera HSD’ê û dewleta tirk a bi navbeynkariya DYA’yê jî, êrîşên dewleta tirk û komên çete yên girêdayî wê yên li dijî rojavayê Kurdistanê didomin.
Li gorî agahiyên ji herêmê, hêzên artêşa tirk a dagirker û çeteyên wê di van kêliyan de êrîşî gundên Xirbet Bekir û Kor Hesen ên li rojavayê bajarê Girê Spî dikin. Di heman demê de, çete êrîşî gundewarên bakurê navçeya Eyn Îsayê dikin.
Çavkaniyên ji herêmê ragihand ku dewleta tirk a dagirker bi balafirên şer, bi top û tankan herêmê bombebaran û topbaran dikin. Li hemberî van êrîşan jî şervanên HSD’ê di çarçoveya parastina rewa de bersivan didin.
Li her du herêmên navborî şer didome. SERÊKANIYÊ
