Parlementerê Partiya Karker a Sosyal Demokrat Anders Osterberg daxwaz ji Swêdê kir ku li dijî sûcên şer ên dewleta Tirk bikevin nava hewldanan.
Endamê Komîsyona Polîtîkayên Derve ya Parlementoyê û Parlementerê Partiya Karker a Sosyal Demokrat Andres Osterberg bi pêşnûme pirsyarekê sûcên şer û pêkanînên der mirovî yên dewleta Tirk a li ser Bakur û Rojhilatê Sûriyeyê pêk anî, kire rojeva parlementoyê.
Osterberg anî ziman ku di êrîşa Tirkiyeyê de sûcên şer hatine kirin. Nimûneya vê jî qetilkirina siyasetmedara jin Hevrîn Xelef a ji aliyê çeteyên dewleta Tirk ve hate kirin jî nîşan da.
‘Zarok bi çekên kîmyewî birîndar bûn’
Osterberg diyar kir ku parlementerên Partiya Karker a Sosyal Demokrat Kadîr Kasirga û Parlemtera Ewropayê Evîn Încîr derbasî Başûrê Kurdistanê bûn û bi rayedar û gelê re civiyan û serdana Mihemed ê 12 salî bi çeka kîmyewî di êrîşa dewleta Tirk de birîndar bûbû jî kirin.
Osterberg anî ziman ku Mihemed ji bo dermankirinê sewqî Fransayê hatiye kirin, ragihand ku xeteriya mirinê li ser Mihemed heye. STOCKHOLM
