Merkezê Çapemenîya Hêzê Sûrîyeya Demokratîke (HSD) derheqê pêvînayîşanê bi Rûsya de eşkerayîyêka nuştekîye weşanaye
Merkezê Çapemenîya Hêzê Sûrîyeya Demokratîke (HSD) derheqê pêvînayîşanê bi Rûsya de eşkerayîyêka nuştekîye weşanaye.
Eşkerayîye wina ya:
“Dimayê munaqeşeyanê herayan ê Federasyonê Rûsya reyde serê tayê madeyanê peymana ke ma pê nêkerd, bi armancê vindertişê hêrişanê artêşa îşxalkare yê verba şar û destkewteyanê herême, ma resayê netîceyê caardişê pêkerdişê Soçî yê 22 Teşrîna Verêna 2019. HSDyî vakurê Sûrîye û rojawanê Kurdistanî de herêmanê dûran ê sînorê Tirkîya û Sûrîye de do xo newe ra vila bikê û cayanê neweyan de do ca bigêrê ke nê hêrişanê barbaran û gonîya ke rijîyena, bêrê vindertene. Hêzê pawitişê sînor ê hukmato merkezî nê herêmanê sînorî de do bêrê cakerdene. Sey HSDyî ma reyna qetî kenê ke ma pabesteyê pawitişê şarî û destkewteyanê herême yê, ma veng danê Federasyonê Rûsya ke berpirsîyaranê xo bîyare ca û mabênê Rayîrberîya Xosere ya Vakur û Rojawanê Sûrîye û hukmato merkezî yê Şamî de bingeyê dîyalogêk o xurt saz bike.”
