Ji bo şermezarkirina êrîşên dewleta tirk û çeteyên wê, ciwanên Reqayê bi dirûşma ‘Agirê ciwanan dê faşîzma Erdogan bişewitîne’ meşek li dar xist
Ciwanên Reqayê bi armanca şermezarkirina êrîşên dagirkeriyê yên dewlet tirk û çeteyên wê yên li dijî rojavayê Kurdistanê bi dirûşma ‘Agirê ciwanan dê faşîzma Erdogan bişewitîne’ meşeke bi pêtal li dar xist.
Meş li gundê Hikumiye yê li bakurê Reqayê dest pê kir û bi sedan ciwan tê de amade bûn. Ciwanan di meşê de bi dirûşman êrîşên dewleta tirk, DAIŞ û El Nusrayê şermezar kirin. Ciwan heta gundê Hezîmê ku km’yan dûrî gundê Hikumiyeyê ye meşiyan. Ciwanan di meşê de her wiha bi dirûşman berxwedana şervanên Hêzên Sûriyeya Demokratîk (HSD) silav kir.
Di meşê de li ser navê ciwanan Fîras Mihemed axivî û diyar kir ku rejîma dewleta tirk bi rêya êrîşên xwe yên dawîn, ji civaka navneteweyî re diyar kir ku hewl dide DAIŞ’ê bide vejandin. Her wiha di çalakiyê de endamê Buroya Rêxistina Ciwanên Partiya Sûriyeya Pêşerojê Yeimen El Omer axivî û wiha got: “Meşa şehîdan dê bidome û heta ku vê meşê digihînin serkeftinê ku ew jî azadî û avakirina civakeke demokratîkê dê têbikoşîn. Em şehîd Hevrîn Xelef jî bi bîr tînin û dibêjin ku ew çavkaniya ronahî û hêviyê ye.”
Meşa ciwanan bi dirûşmên silavkirina Berxwedana Rûmetê bi dawî bû. REQA
