Fermandarê Giştî yê HSD’ê Mazlum Ebdî bi peyamekê ragihand ku tevlêbûna xurt a çalakiyên ji bo rojên cîhanê yên Kobanê û Rojava dê ji terorîst û alîgirên wan re bibe bersiveke xurt
Fermandarê Giştî yê Hêzên Sûriyeya Demokratîk (HSD) Mazlum Ebdî, bi boneya 2’yê Mijdarê Roja Rojava ya Cîhanê li ser hesabê xwe yê medyaya civakî peyamek parve kir. Ebdî di peyama xwe de banga tevlêbûna çalakiyan kir.
Peyama fermandar Mazlum Ebdî wiha ye: “Tevlêbûneke xurt a ji bo rojên cîhanê yên Kobanê û Rojava, dê bibe nîşaneya wefadariya hemû gelên dost ên ji bo cangorî û têkoşîna gel û şervanên me yên li dijî terorê li ber xwe didin da ku cîhan bibe cihekî biaram û biewle. Tevlêbûneke xurt a di çalakiyên van rojan de li dijî hemû terorîst û dostên terorê dê bibe bersiveke xurt.”
