Îqtîdarê AKP-MHPyî dest na Şaredarîya Qoserî ya HDPyî ser. Wezaretê Karanê Zereyî yê tirkî Hemşaredara Qoserî Nîlufere Elîk Yilmaze wezîfe ra viste dûrî
Wezaretê Karanê Zereyî yê tirkî Hemşaredara Qoserî Nîlufere Elîk Yilmaze wezîfe ra viste dûrî û qaymeqamê qeza Huseyîn Çam sey qeyûm herinda aye de tayîn kerd.
Yilmaze destsernayîşê şaredarîye ra nêrazîbîyayîşê xo mojna û ame verê bînaya şaredarîye ke vizêrî ra nat dormeyê ci girewte ya. Yilmaze waşt ke debikewa bînaya şaredarîye labelê polîsan nêverda. Nîlufere Elîk Yilmaze polîsan ra waşt ke dokumentê xo yo ke a wezîfe ra viste dûrî, bidê ci. Polîsan vatî: “Eke bêhuqûqîye esta, şima do çare bikê û dima debikewê zereyê bînaya şaredarîye. Wextê ci bêro şima do bivînê.”
Hemşaredare Elîk Yilmaze hema zî verê bînaya şaredarîye de ya. MÊRDÎN
