HRE’yê bi daxuyaniyekê ragihand ku hêzên wan li Efrîn û Ezazê çalakî pêk anîn û di encamê de herî kêm 3 çete hatine kuştin
Hêzên Rizgariya Efrînê (HRE) têkildarî çalakiyên hêzên wan ên li dijî dewleta tirk û çeteyên wê daxuyaniyeke nivîskî weşand. HRE’yê da zanîn ku hêzên wan li dijî artêşa tirk a dagirker û çeteyên wê li herêma Efrîn û Ezazê rêzeçalakiyên tolhildanê li dar xistin.
HRE’yê daxuyand ku di 3’yê mijdarê de hêzên wan li gundê Vîla Qadî yê Şera ya Efrînê li dijî artêşa tirk a dagirker û çeteyên wê çalakî pêk anîn û çeteyek hate kuştin. HRE’yê diyar kir ku di heman rojê de hêzên wan li gundên Cilbirê û Basilê yên Şêrawa ya Efrînê 2 çalakî pêk anîn. HRE’ya da zanîn ku encama van çalakiyan nehat zelalkirin.
Topbarankirina herêmê
Bi berdewamî jî HRE’yê ev agahî dan: “Hêzên me di heman rojê de Di heman dîrokê de li gundê Kil Cibrîn ê Ezazê du çalakiyên sekvaniyê pêk anîn. Di çalakiyan de 2 çete hatin kuştin. Piştî çalakiyên me, hêzên dagirker di heman rojê de gundên Soxanekê, Aqîbê û Bênê yên Şêrawayê û gundên Malîkiyê, Şewarxa û Kela Şewarixa yên Şerayê topbaran kirin.”
