HSDyî da zanayene ke dagirkerî hêrişê Zîrgan, Til Temir û Eyn Îsayî kerdî
Merkezê Çapemenîya Hêzê Sûrîyeya Demokratîke (HSD) da pêhesnayene ke hêrişê dagirkerîye yê vera Zîrgan, Til Temir û Eyn Îsayî dewam kenê û bîlançoya 24 saetanê peyênan eşkera kerd.
Goreyê eşkerayîye dagirkerî bi çekanê giranan hêrişê dewa Um Sêfa ya Zîrganî û dewa Rêhanîye ya Til Temirî kerd. Reyna Eyn Îsayî de zî hêrişanê vera der û dorê rayîrê mîyanneteweyî yê M-4î û dewanê Tirwazîye û Ebû Sîra dewam kerd. Şervananê HSDyî cewab da hêrişan, la hûmara merde û birîndaran nêameye zelalkerdene.
Netîceyê xoverdayîşî de 2 dagirkerî ameyî kiştene. Şerwanêk bi şerkerdişêkê qehremankî şehîd kewt, 9 şerwanî zî birîndar bîyî.
